jueves, 14 de diciembre de 2017

LIBROS SOBRE O NADAL

Como se achega o Nadal buscamos na biblioteca os libros que nos falan sobre estas datas. Pódelos utilizar que, ademais, están recomendados polo noso Apalpador.


RECICLA COA TROPAVERDE

O día 13 de decembro a nosa biblioteca encheuse de nenas e nenos de 2º e 3º para realizar actividades de reciclase nun programa coordinado polos monitores e monitoras da Tropa Verde. Agora que se achega o nadal é o mellor momento para reflexionar sobre esto xa que é época tradicionalmente, de consumo pouco responsable.


jueves, 30 de noviembre de 2017

25 de outubro: Día contra a violencia de xénero

O pasado venres celebramos no colexio un acto para decir NON á violencia de xénero. Desde entón temos declarados todos e cada un dos espazos do noso centro como lugares LIBRES DE VIOLENCIAS MACHISTAS. A nosa BIBLIOTECA, por suposto, está incluida e así seguirá sendo.


jueves, 16 de noviembre de 2017

CELEBRACIÓN DO DÍA DAS BIBLIOTECAS

O pasado mes de outubro celebramos o Día das Bibliotecas. Na semana do 24 dese mes pedímosvos que nos enviárades fotos familiares vosas en distintas bibliotecas. Pois ben, recibimos un aluvión de fotos preciosas coas que fixemos un estupendo vídeo!




MOITAS GRAZAS A TODAS E TODOS!

viernes, 10 de noviembre de 2017

MAGOSTO!


A Biblioteca tamén se utiliza en días de celebración. Así, despois de comer as castañas do noso magosto podemos visitar a biblioteca e escoller un libro.

jueves, 2 de noviembre de 2017

MARIAMANTA!!!!!!

Na porta da biblioteca está agardando MARIAMANTA, un persoaxe da mitoloxía Galega  cun gran papo que vai envolta nunha manta na que pode agachar algún neno ou nena...

Seguide investigando!



Ao seu carón tedes unha pequena mostra de LIBROS DE MEDO, como todos os anos para que se vos poñan os pelos de punta!!!!

E...un libro aberto para saber máis!



jueves, 26 de octubre de 2017

VISITAS NA BIBLIOTECA: POLICÍA LOCAL


Coma sempre, a Biblioteca é un lugar moi axeitado para recibir visitas interesantes. neste caso, o alumnado de 4º desfrutou da presenza da Policía Local que charlos coas nenas e nenos e transmitiulles informaación, consellos e boas intencións.
Serán sempre ben recibidos!
Moitas grazas!

Outubro: O mes das Bibliotecas

 Estamos a celebrar no noso colexio, unha semana chea de lecturas dos nenos e nenas maiores aos cativos e cativas, nunha actividade chamada "Apadriñamento lector", con motivo da celebración do Mes das Bibliotecas.



Logo de recollelos nas súas aulas, dirixíronse ao recibidor do edificio principal e ás zonas ao aire libre do colexio para sentarse ao seu carón e pasar uns momentos de lecer "padriños-madriñas xunto con afillados e afilladas lectores", intentando transmitir o gusto pola lectura enn boa compañía.



miércoles, 11 de octubre de 2017

24 de outubro: DÍA DAS BIBLIOTECAS

Con motivo do Día das Bibliotecas, o próximo 24 de outubro, propoñémosvos que vos fagades unha foto cos vosos fillos e fillas nalgunha biblioteca.
Despois podédelas enviar ao seguinte enderezo:


Nesa data desenvolveremos unha actividade na biblioteca do noso Centro e serán proxectadas todas as imaxes recibidas.


Moitas grazas e un saúdo!

6º CONCURSO DE RELATOS CURTOS DE TERROR

Os equipos da Biblioteca e de Dinamización e Normalización Lingüística do noso colexio anímanvos a participar no 6º CONCURSO DE RELATOS CURTOS  que se convoca polo Samaín.

 Bases do concurso:

  Primeira. As obras consistirán en contos, historias ou relatos curtos acompañados dunha ilustración (debuxo). Todas as obras presentadas deberán ser orixinais e inéditas. Escritas en lingua galega. Ademáis deberán tratar, como temática obligatoria, sobre terror, medo ou temas que causen asombro. 
 Segunda. Poderanse presentar alumnos e alumnas de forma individual, parella ou trío (nunca máis de tres compoñentes por traballo).  
Terceira. Os relatos participantes optarán a un premio ou diploma.  
Cuarta. As obras no poderán exceder de tres carillas de folio de extensión incluindo a ilustración. 
Quinta. As datas para a recepción das obras serán do día 24 de outubro ao 11 de novembro de 2017.
 Sexta. Os participantes permitirán aos organizadores publicar as súas obras no blogue, revistas e outras publicacións relacionadas co centro escolar.
 Sétima. Un xurado escollido polo equipo de biblioteca do colexio seleccionará as obras gañadoras. 
Oitava. Xunto coas obras deberá proporcionarse a seguiente información: Titulo do relato, autor/a/s, curso e grupo.  
Novena. As obras a concurso entregaranse aos titoras/es, que llelas farán chegar ao equipo de biblioteca.
 Décima. A participación no concurso supón a aceptación total das bases.


sábado, 23 de septiembre de 2017

BENVIDOS E BENVIDAS A UN NOVO CURSO: 2017-18!

"Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos. O ilustrador Xosé Tomás , quen por certo visitou o nose colexio o curso pasado, foi o encargado, nesta ocasión, de realizar a  interpretación gráfica do lema anual. 

sábado, 3 de junio de 2017

MÁIS VISITAS NA BIBLIOTECA

O escritor Héctor Cajaraville e o contacontos Anxo Moure visitáronnos nos días pasados e divertíronnos cos seus contos e anécdotas.



jueves, 18 de mayo de 2017

A GALIÑA AZUL



Esta curtametraxe animada foi realizada polo alumnado e a profesora de 2º C. Desfrutade!

SEMANA CULTURAL DAS LETRAS GALEGAS

Durante esta semana, do 15 ao 19 de maio, estase a celebrar no noso colexio e como xa sabedes a Semana Cultural das LETRAS GALEGAS. Así, na biblioteca e outras dependencias do centro estamos a desfrutar de varias actividades: música, teatro a cargo de alumnas e alumnos de 3º, estreno e pases dunha curtametraxe realizada por alumnado de 2º sobre a obra "A galiña azul", exposicións de traballos das nenas e nenos, exposición sobre Carlos Casares, a Pita Poleira Azul, que pon ovos de cores con palabras en galego, e algunhas cousas máis.


XOSÉ TOMÁS

O martes 15 de maio visitounos na Biblioteca do Centro o ilustrador e humorista gráfico XOSÉ TOMÁS, quen impartiu un estupendo obradoiro sobre ilustracións ao que acudiron nenas e nenos, nais e pais e persoal do centro. Actividade organizada pola ANPA.

Moitas grazas XOSÉ!




miércoles, 17 de mayo de 2017

17 DE MAIO: DÍA DAS LETRAS GALEGAS

Hoxe celebramos o Día das Letras Galegas e durante toda a semana estamos a realizar na nosa Biblioteca e demáis dependencias do colexio unhas serie de actividades e experiencias en torno ás letras e as artes. Nelas participan todas as nenas e nenos do colexio: talleres, teatro, exposicións, curtametraxe animada, intercambio de libros, a "pita poleira azul"...

Feliz día das NOSAS LETRAS!




miércoles, 3 de mayo de 2017

RECUNCHOS DE LECTURA

Investigando polas aulas atopamos recunchos de lectura tan interesantes e divertidos como estes!


COLOBORADORES DA BIBLIOTECA DESTE CURSO

Grazas ás colaboradoras e colaboradores de Bilioteca deste curso, que están a realizar un importante traballo ao mesmo tempo que aprenden cousas sobre a organización dunha biblioteca.





MÚSICA NA BIBLIOTECA

O pasado martes, día 2, visitaron a nosa biblioteca dúas artistas da Escola Municipal de Música de Santiago. Deleitáronnos cun concerto didáctico estupendo. Moitas grazas!


sábado, 29 de abril de 2017

DOA OCAMPO

Seguimos con máis pintura. Esta vez, a pintora Doa Ocampo que é a autora da obra pictórica dunha das cúpulas do edificio de E. Infantil. Desfrutade da súa beleza.



Podedes saber máis no blogue do noso proxecto "Pintura rima con lectura".

miércoles, 26 de abril de 2017

ANIMACIÓN Á LECTURA


As nenas e nenos de 3 anos fixeron unha visita á oficina de CORREOS. ???? NOOON! En realidade foron  escoitar contos á sede da Galería de Sargadelos dentro da Campaña de Animación á lectura que todos os anos promove o Concello e a editorial Kalandraka. En días anteriores desfrutou da mesma actividade o alumnado de 4 e 5 anos.
Moi interesante!

martes, 25 de abril de 2017

MARCOS S. CALVEIRO



O escritor Marcos Calveiro, autor do libro "Unha casiña branca" pasou onte pola nosa biblitoeca para contarnos cousas do libro e responder ás nosas preguntas. Moitas grazas Marcos!

viernes, 21 de abril de 2017

DÍa Internacional do Libro


O próximo domingo, 23 de abril, celebramos O DÍA DO LIBRO. Hoxe venres, no noso colexio xa comenzamos con esta celebración, e fixémolo a través dunha actividade denominada: Apadriñamos.
As nenas e nenos maiores léronlles un conto aos pequerrechos. E...calquer lugar é bo para ler. Mirade se non...

jueves, 6 de abril de 2017

MÁIS AUTORAS E AUTORES NA NOSA BIBLIOTECA

Onte, día 5 de abril volvemos a ter visita na biblioteca: A poetisa YOLANDA CASTAÑO, a escritora ÁNXELA GRACIÁN, o escritor portugués JOAO MANUEL RIBEIRO. Alí estivemos escoitando aos grandes das nosas letras e das do país veciño, Portugal. Moitas grazas!

lunes, 27 de marzo de 2017

27 de marzo: DÍA MUNDIAL DO TEATRO

Hoxe 27 de marzo, celebramos en todo o mundo o Día do Teatro. Recordade que tamén na nosa bliblioteca temos unha sección de fondos dedicada ao teatro.e que podedes ler e levar para casa en préstamo.


jueves, 23 de marzo de 2017

REGUEIFEIROS EN FONTIÑAS!

Na nosa biblioteca hoxe houbo visita. Os regueifeiros Alba e Josiño deleitáronnos coas súas regueifas. Ademáis ensináronnos moitas cousas sobre elas e mesmo nos ensinaron a crealas e interpretalas.
Moitas grazas aos dous!


sábado, 18 de marzo de 2017

O PINTOR YOSEBA MURUZÁBAL

Yoseba Muruzábal, o creador do gran mural que forma parte da súa obra "Fenómenos do rural", estivo con nós para contestar ás nosas preguntas sobre a súa fabulosa obra. Mostrounos un vídeo e mesmo vimos como facía o seu traballo "in situ". Grazas Yoseba!


21 DE MARZO: DÍA MUNDIAL DA POESÍA


       O vindeiro 21 de Marzo, conmemoramos o Día Mundial da Poesía, unha data institucionalizada pola UNESCO en 1999.

        A poesía é unha manifestación da diversidade no diálogo, da libre circulación das ideas por medio da palabra, da creatividade e da innovación. 

        Este ano, ademáis, a Comisión de Cultura do Congreso dos Deputados acordou dedicalo á figura de Miguel Hernández en coincidencia co 75 cabodano do poeta. 




                                         E nós... recordámolo coa sempre admirada Rosalía!

       

PERE TOBARUELA NA BIBLIOTECA


O autor de "FORMIG4S" (Formig4as  Misión Nova York, Formig4s Misión París e Formig4s Misión Barcelona) visitounos onte, día 17, e co seu sentido do humor fíxonos desfrutar dunha sesión moi interesante. Recomendamos a todos os seus libros. Grazas Pere!

ENCONTROS DOS CENTROS DO PLAN DE MELLORA DE BIBLIOTECAS ESCOLARES


Onte e antonte tiveron lugar, como cada ano, estes Encontros no Pazo de Congresos de Santiago para unir a todos os centros que forman parte desta gran rede de centros escolares unidos polas súas bibliotecas e as ganas de medrar lendo.

martes, 7 de marzo de 2017

DÍA DA MULLER NO MUPEGA

O Día Internacional da Muller celébrase este ano no Museo Pedagóxico de Galicia cun obradoiro e un contacontos. Aquí tedes a información:

http://www.edu.xunta.es/mupega/

viernes, 3 de marzo de 2017

PISTAS DO CONCURSO...

Aquí tedes as imaxes e as pistas do concurso: (Están expostas no taboleiro externo da biblioteca)








CONCURSO: MULLERES QUE FAN HISTORIA

Todos os anos teñen unha data moi especial para recordarnos o Día Mundial da Muller Traballadora. Desde a nosa biblioteca convocamos de novo un CONCURSO de pistas para adiviñar o nome de cinco mulleres destacadas na historia. Este ano, dentro do noso Proxecto Documental, escollemos a cinco pintoras marabillosas. Aquí tedes as bases do concurso e a continuación, iremos poñendo pista a pista acompañadas da correspondente imaxe.
Ánimo, e a participar!!!!




lunes, 27 de febrero de 2017

24 de febreiro: DÍA DE ROSALÍA

O 24 de febreiro, como todos os anos celebramos o Día de Rosalía e, no noso centro realizáronse numerosos traballos e actividades para recordala.


sábado, 18 de febrero de 2017

IAGO LÓPEZ NA BIBLIOTECA

O escritor e contaacontos iago López visitounos de novo esta semana para presentar o seu libro "O cociñeiro Martiño". As nenas e nenos de 1º e 2º estiveron con el na nosa biblioteca.


CHEGA O ENTROIDO!

Como cada ano (nunca lle  esquece), o Entroido chega ás nosas vidas. Recibiémolo no noso cole como se merece, con ganas de diversión. Así están xa as nosas Mecas. A de E. Infantil, nada menos que a pintora FRIDA KAHLO e en E. Primaria a nosa BALBINA, a protagonista do mural realizado no noso cole polo recoñecido grafiteiro Yoseba Muruzábal.

Este ano, o motivo ou tema principal xa sabedes que é o do noso proxecto documental: Pintura rima con lectura.

Podedes ver fotos e vídeos do desfile na páxina web do noso colexio.




domingo, 5 de febrero de 2017

Teño un museo...

http://www.museodopobo.gal/web/index.php

A nosa cidade está invadida de carteis anunciadores do MUSEO DO POBO GALEGO, un museo etnográfico pero con moitas cousas máis...
Visita a súa páxina web e verás as súas actividades.


O alumnado de 3º do noso colexio visitará o día 17 deste mes de febreiro o museo para asistir a unha charla co ilustrador PEPE CARREIRO dentro do programa/actividade "Teño unha peza".

miércoles, 1 de febrero de 2017

Día da Ilustración

O 30 de xaneiro celebrouse o día da Ilustración con actividades en todas as Bibliotecas. Na páxina web do noso colexio encontraredes información para visitar bibliotecas de Galicia que prepararon actividades e talleres en torno a esa data.


miércoles, 18 de enero de 2017

MOCHILAS VIAXEIRAS

Xa están en ruta as nove mochilas de E. primaria do colexio, que xunto coas de E. Infantil, fan que viaxe todas as semanas unha chea de recursos da biblioteca para as casas.
Os nenos e nenas están moi ilusionados con estas mini-bibliotecas que desfrutarán en familia!